ផលប៉ះពាល់ដល់វីរកងទ័ព
ខាងក្រោមនេះ គឺជាកម្រងរូបភាពអំពីផលប៉ះពាល់ដល់វីរកងទ័ព បង្កឡើងពីការវាយប្រហាររបស់យោធាសៀម ក្នុងអំឡុងជម្លោះតាមព្រំដែនរវាងសៀម និងកម្ពុជា នៅឆ្នាំ២០២៥។ រូបភាពទាំងនេះ គឺជាការក្រើនរំលឹកអំពីស្មារតីពលីរបស់វីរកងទ័ពយើង និងបង្ហាញពីផលប៉ះពាល់ រាល់ពេលមានការផ្ទុះ អាវុធក្នុងទ្រង់ទ្រាយធំនេះ ហើយក៏បញ្ជាក់ទាមទារឲ្យមានការគោរពច្បាប់មនុស្សធម៌អន្តរជាតិ (IHL) ផងដែរ។ ប្រសិនបើបងប្អូនមានព័ត៌មានណាមួយពាក់ព័ន្ធនឹងផលប៉ះពាល់នេះ ហើយចង់ចូលរួមចែករំលែក សូមមេត្តាទាក់ទងផ្នែក «ការចូលរួមផ្តល់ព័ត៌មាន»។
សម្រាប់ផលប៉ះពាល់ដល់ប្រជាពលរដ្ឋ សូមពិនិត្យផ្នែក ជីវិតប្រជាពលរដ្ឋ និងការបាត់បង់។
សម្រាប់ការខូចខាតហេដ្ឋារចនាសម្ព័ន្ធ និងមរតកជាតិ សូមពិនិត្យផ្នែក ការខូចខាតហេដ្ឋារចនាសម្ព័ន្ធ និងមរតកជាតិ។
វីរកងទ័ពបានពលីជីវិតក្នុងបុព្វហេតុការពារជាតិ
យើងខ្ញុំសូមលំអោនកាយ រំលឹកដឹងគុណដល់វីរកងទ័ពខ្មែរទាំងអស់ ដែលបានឈរជើងនៅសមរភូមិមុខ និងជាអកុសលបានពលីជីវិតក្នុងការការពារប្រជាជាតិខ្មែរ។ សូមឲ្យដួងវិញ្ញាណក្ខន្ធវីរកងទ័ពទាំងអស់បានទៅកាន់សុគតិភព កុំបីឃ្លៀងឃ្លាតឡើយ។
ទាហានកម្ពុជាត្រូវបានចាប់ឃុំខ្លូនអស់រយៈពេល១៥៥ថ្ងៃ
ទាហានសៀមបានចាប់ទាហានកម្ពុជានៅថ្ងៃ២៩ ខែកក្កដា ឆ្នាំ២០២៥ ដោយប្រើល្បិចចាប់ដៃស្វាគមន៍គ្នា បន្ទាប់ពីមានបទឈប់បាញ់ និងឃុំខ្លួនអស់រយៈពេល១៥៥ថ្ងៃ។
ទាហានកម្ពុជារងគ្រោះដោយសារផ្សែងពុលរបស់ទាហានសៀម
ទាហានសៀមបានប្រើប្រាស់ផ្សែងពុល ដែលនេះជាទង្វើខុសច្បាប់អន្តរជាតិ និងបង្កគ្រោះថ្នាក់ទាំងទាហាន និងប្រជាជនស៊ីវិល។
